მსოფლიოში ყველაზე ძველი და, შესაბამისად, ყველაზე ძვირადღირებული ვისკი - Mortlach 70 Years Old Speyside Single Malt, რომელიც აქამდე ედინბურგის ერთ-ერთ ციხე-სიმაგრეში ინახებოდა, გასაყიდად გამოაქვთ. ვისკი 70 წლის დაძველებისაა და დიზაინერთა მიერ სპეციალურად მისთვის შექმნილ ბოთლებში ჩამოისხა. ცრემლის ფორმის ჭურჭელს ძირი და თავსახური ვერცხლისა აქვს და ბრაზილიური ვარდის ხისგან დამზადებულ ხელნაკეთ ყუთშია შეფუთული. დეგუსტატორებმა ამ უძველეს ვისკის მაღალი შეფასება მისცეს. ბაზარზე სულ 54 ბოთლი 700 მლ. და 162 ბოთლი 200 მლ. მოცულობის ვისკი გამოვა და ფასიც შესაბამისი ექნება – 14 880 დოლარი და 3 720 დოლარი.