სამხრეთაფრიკელმა მევენახეებმა სერთიფიკაციის დამადასტურებელი ახალი მარკის გამოშვება გადაწყვიტეს, რომელიც ეკოლოგიურად სუფთა პროდუქციის გარანტი იქნება. მარკა, რომელსაც ღვინისა და ალკოჰოლის კომიტეტი გამოუშვებს, რთული კომპიუტერიზებული სისტემებით იქნება დაცული და მხოლოდ ბოთლებში ჩამოსხმული სასმელისთვის იქნება განკუთვნილი. ყველა მარკას უნიკალური ნომერი აქვს, რომლის მიხედვითაც შესაძლებელი იქნება ყველანაირი ინფორმაციის მოძიება კონკრეტულ ღვინოზე. ნებაყოფლობითი სერთიფიკაციის გავლა ღვინის მწარმოებელ ნებისმიერ კომპანიას შეუძლია, რომელსაც გავლილი აქვს IPV (Integrated Production of Wine) აკრედიტაცია მევენახეობის, მეღვინეობისა და ჩამოსასხმელი ხაზის ჩათვლით. დღეს სამხრეთაფრიკული მეღვინეობის მეურნეობების 95% ეკოლოგიურად სუფთა პროდუქციის წარმოებას უჭერს მხარს, ამიტომ წინასწარი მონაცემებით, 2011 წლისთვის ღვინის მწარმოებელთა დაახლოებით 80% უკვე ამ ახალ სერთიფიკაციის დამადასტურებელ მარკას გამოიყენებს. Q