არიზონელმა რესტორატორმა პავლე მილიჩმა მიზნად დაისახა გაემეორებინა სტივენ სპურიეს ლეგენდარული გმირობა, რომელიც 1976 წლის ე.წ. ,,პარიზულ დეგუსტაციას” უკავშირდება. ამჯერად სკოტსდეილის რინგზე ერთმანეთს შტატის საუკეთესო ღვინოები დაუპირისპირდებიან. ჯერჯერობით იდეის ავტორი მილიჩი ნიმუშების შეგროვებით არის დაკავებული და უახლოეს მომავალში შესარჩევი ტურის ჩატარებას გეგმავს ხუთი საუკეთესო არიზონული თეთრი და წითელი ღვინის მარკის გამოსავლენად. სწორედ ამ კონკურსში გამარჯვებული ღვინოები შეეჯიბრებიან მსოფლიოს საუკეთესო ღვინოებს. ბრმა დეგუსტაციის დაწყებამდე დიდი დრო არ დარჩა – ის, შესაძლოა, უკვე ივნისის დასაწყისში ჩატარდეს და შედეგად, არიზონულმა ღვინომაც კუთვნილი ადგილი დაიკავოს მსოფლიო ღვინის ბაზარზე.