2009 წელი, გამუდმებული გვალვისა და მისგან გაჩენილი ხანძრების გამო, მეტად რთული აღმოჩნდა ავსტრალიელი მევენახეებისთვის, თუმცა მიმდინარე ვინტაჟი შედარებით უკეთეს კლიმატურ პირობებს დაემთხვა. ქვეყნის ღვინის მწარმოებელი ყველა რეგიონის წარმომადგენელი უჩივის მცირემოსავლიანობას, რაც ვაზის ყვავილობის პერიოდის ტემპერატურული ცვლილებებით არის გამოწვეული. ბოლო 5 წლის განმავლობაში გასული წელი ყველაზე უხვნალექიანი გამოდგა, განსაკუთრებით დაზარალდა შარდონესა და გრენაშის ჯიშები. ღვინის მწარმოებელი ცნობილი კომპანია Yalumba–ს მთავარი მეღვინე ლუის როუზი ირწმუნება, რომ ბაროსული შირაზის ჯიშისა და იდენის ველების ცქრიალა ღვინო შესანიშნავი ხარისხით გამოირჩევა. იგივეს ამტკიცებენ მეურნეობა d’Arenberg –ის წარმომადგენლები McLaren Vale-დან.