საჭირო მასალა: 800 გ. ცხიმიანი ხაჭო, 200 მლ. ნაღები ან ცხიმიანი არაჟანი, 200 გ. შაქრის პუდრა, 200 გ. კარაქი, 4 კვერცხის გული, მწიკვი მარილი, მწიკვი ვანილი, 100 გ. ქიშმიში, 100 გ. ცუკატები.
მომზადება: ქიშმიშს დავასხათ მდუღარე წყალი. ხაჭო ორჯერ გავქნათ საცერზე, ავურიოთ 100 გ. შაქრის პუდრა, ვანილი და ნაღები. გადავწუროთ ქიშმიში და ცუკატებთან ერთად დავუმატოთ ხაჭოს მასას. კარაქი გავადნოთ და შევაგრილოთ. შემდეგ შევათქვიფოთ 100გ. შაქრის პუდრა და კვერცხის გულები, შევაზავოთ მარილით და კარგად ავურიოთ ხაჭოს მასას. საწურში ან საცერში ჩავფინოთ ორმაგი ნამიანი დოლბანდი, ზედ მოვათავსოთ ხაჭოს მასა, ზემოდანაც გადავაფაროთ დოლბანდი და შევდგათ მაცივარში, რათა დაიწრიტოს. დილით გადმოვიღოთ ლანგარზე და მოვრთოთ ცუკატებით.
© ღვინის კლუბი/“Weekend