საერთაშორისო ფინანსურმა კრიზისმა მყიდველთა ჯიბეზეც იმოქმედა – ღვინის მოყვარულები ახლა უკვე შედარებით იაფფასიანი სასმელებით კმაყოფილდებიან და ბარებსა თუ რესტორნებშიც შედარებით ნაკლებ თანხას ხარჯავენ. მოთხოვნის შემცირებასთან ერთად, 2009 წელს ფრანგული ღვინის ექსპორტიც 17 %-ით შემცირდა. ღვინის ექსპორტიორთა ფედერაციის მონაცემებით, ფრანგული ღვინოების გაყიდვებმა საზღვარგარეთ 7,74 მილიარდი ევრო შეადგინა. ძალზე შემცირდა მევენეხეობის ცნობილ რაიონებში წარმოებული ღვინის გაყიდვების მაჩვენებლები – შამპანში 28%-ით, ხოლო ბორდოსა და ბურგუნდიაში – 23%-ით.Gფედერაციის თავმჯდომარის განცხადებით, გასული წლის ნოემბერსა და დეკემბერში გაყიდვებმა შედარებით მოიმატა, თუმცა ჯერჯერობით ძნელია იმაზე საუბარი, თუ როგორი სიტუაცია იქნება ამ მხრივ 2010 წელს.