ფოტოზე კარდანახელი მოწინავე მევენახე ხვთისო ხვთისიაშვილია აღბეჭდილი, ფოტო კი ჟურნალ კომუნისტის 1969 წლის 223-ე ნომერშია დაბეჭდილი. აღსანიშნავია, რომ სტატიაში, რომელიც ფოტოს ერთვის კარდანახული ყურძნისა და ღვინის შესახებაა საუბარი, სადაც ვკითხულობთ:
„კარდანახული ყურძენი და ღვინო არა მარტო გურჯაანის რაიონში, არამედ ჩვენს რესპუბლიკაში და მის ფარგლებს გარეთად არის ცნობილი. აქ სანიმუშოდ უვლიან ზვრებს, დროულად ახორციელებენ აგროტექნიკურ ღონისძიებებს და გაბედულად ნერგავენ მეცნიერების მიღწევებსა და მოწინავეთა გამოცდილებას.
რთველი დაიწყო. იკრიფება დაშაქრული კარდანახული ყურძენი.
უხვ მოსავალს ელიან ის ბრიგადები, რომლებსაც ილო მენოშვილი და გიორგი ტყავიშვილი ხელმძღვანელობენ.
ადრე დილიდან გვიან ღამემდე არ წყდება შემოქმედებითი შრომა, ზვრებსა და ღვინის ქარხნის საამქროებში ასობით გამრჯე ადამიანი იმისთვის იბრძვის, რომ ყურშნის მოსავალი მოკლე ვადებში და უდანაკარგოდ აიღონ, დააყენონ საქვეყნოდ ცნობილი სამარკო ღვინო „კარდანახი“.
© ღვინის კლუბი/vinoge.com