როგორც რადიო "ჰერეთს" პრეზიდენტის რწმუნებულმა კახეთში გიორგი ღვინიაშვილმა განუცხადა, “რთველი 2009”-ის ჩატარებისთვის სახელმწიფო ბიუჯეტიდან 24 მილიონი ლარი გამოიყო.
ღვინიაშვილის თქმით, ქარხნები და კომპანიები სრული დატვირთვით იმუშავებენ და ყურძენს მაქსიმალური რაოდენობით ჩაიბარებენ.
“მოსახლეობას დავურიგებთ ვაუჩერს და ისინი ყურძნის ჩაბარებიდან სამ დღეში ბანკიდან სუბსიდიის სახით დანამატს მიიღებენ. ერთ კილოგრამ საფერავზე 25 თეთრი, ხოლო რქაწითელზე 15 თეთრა გამოყოფილი” განაცხადა გიორგი ღვინიაშვილმა.
ამასთან, გუბერნატორი ამბობს, რომ წელს ღვინის ქარხნები სეტყვისგან დაზიანებულ ყურძენსაც ჩაიბარებენ.
ცნობისათვის: „რთველი 2009“ ოფიციალურად 5 სექტემბერს გაიხსნება, რთველის შტაბი კი 5 სექტემბრამდე.
შტაბი როგორც ყოვე წელს, ამჯერადაც გურჯაანში განთავსდება, მას სოფლის მეურნეობის სამინისტროს ადმინისტრაციული დეპარტამენტის უფროსი ტარიელ გაბუნია უხელმძღვანელებს.
როგორც რადიო „ჰერეთს“ სოფლის მეურნეობის სამინისტროში განუცხადეს, წელს კახეთში 160 ათას ტონა მოსავალს ელოდებიან.
რადიო "ჰერეთი"
