უალკოჰოლო ღვინომ აქტუალურობასთან ერთად ღვინის პროფესიონალებსა თუ ენთუზიასტებში ორგვარი აზრი გამოიწვია. ზოგი ფიქრობს, რომ ასე ღვინის არომატები იკარგება და მას ღვინო სულაც არ უნდა ერქვას, ნაწილი კი მიიჩნევს, რომ ტექნოლოგიის წმინდად შესრულების შემთხვევაში უფრო ჯანსაღ ღვინოს ვიღებთ შედეგად. ფაქტია, ნელ-ნელა ღვინის ეს კატეგორია უფრო მეტ მომხმარებელს იზიდავს, ვიდრე ეს აქამდე იყო.
დაბალალკოჰოლური ღვინოების გაყიდვების ღრებულება ბოლო 5 წლის განმავლობაში 30%-ით გაიზარდა, ექსპერტები კი ვარაუდობენ რომ მომდევნო 5 წლის განმავლობაში კიდევ 15%-ით გაიზრდება. 2026 წლისთვის დაბალი ალკოჰოლის შემცველი ღვინის გაყიდვები სავარაუდოდ 3 მლრდ. დოლარს მიაღწევს.
Helen McCarthy, Accolade Wines-ის მეღვინეობის ხელმძღვანელი ამბობს, რომ ავსტრალიელი მომხმარებლების 58% ცდილობს დღიურად ალკოჰოლის მიღება შეამცირონ, მათ შორის კი მილენიალები ლიდერობენ: “ისინი დაინტერესებულნი არიან უფრო ჯანსაღი ცხოვრების წესით, თუმცა ღვინოზე უარს მაინც ვერ ამბობენ” - ვკითხულობთ The Guardian-ზე.
ალკოჰოლი ღვინის ერთ-ერთი მთავარი შემდგეწნელი ნაწილია, როდესაც ის მოიხსნება და სხვა ელემენტები კონცეტრირდება, მაგალითად მჟავიანობა და ტანინები, ღვინის სტრუქტურა ძალიან იცვლება. აქედან გამომდინარე, მნიშვნელოვანია როგორც ღვინის, ისე დეალკოჰოლიზაციის ტექნოლიგიის ძალიან ფრთხილად შერჩევა, რათა ხარისხი მაქსიმალურად შენარჩუნდეს და უარყოფითი ზემოქმედებები მინიმუმამდე შემცირდეს. კომერციული დეალკოჰოლიზაციის ორი ძირითადი მეთოდია ვაკუუმური დისტილაცია და მემბრანული ტექნიკა (Membrane separation)
ჯონჯო მაკევოი, იარას ველზე Fin Wines-ის დირექტორი აღნიშნავს, რომ ასეთი კატეგორიის ღვინის მიღებისას საჭიროა მაღალმჟავიანი ყურძენი “დაბალაკოჰოლური ღვინის მისაღებად ყურძნის მჟავიანობა ძალიან მნიშვნელოვანია, ასეთი ყურძენი ღვინის დაბალალკოჰოლურობას განაპირობებს.“ - როგორც ვკითხულობთ, ასეთი ტიპის ღვინის დაყენება უფრო მარტივია, ვიდრე სრულად უალკოჰოლოსი.
დოქტორი უეს პირსონი, ავსტრალიის ღვინის კვლევითი ინსტიტუტის ხელმძღვანელი: “ალკოჰოლი მართლაც უნიკალური ნაერთია, ის ღვინოს მატებს ტექსტურას, წონას და რა თქმა უნდა ფიზიკურ ეფექტებს ადამიანზე, ღვინო არ ჰგავს სხვა პროდუქტს, სადაც უკანა მხარეს ინგრედიენტების სიაა თანდართული, ის ყურძნისგან დამზადებული პროდუქტია, ასე რომ თქვენ შეზღუდული ხართ იმაში, რისი გამოყენებაც შეგიძლიათ ღვინოში ალკოჰოლის ეფექტის შესაქმნელად.” - აღნიშნავს პირსონი.
უალკოჰოლო ღვინოებისთვის საუკეთესო არის თეთრის შემთხვევაში საშუალო მჟავიანობის, ძალიან არომატული, მსუბუქი ღვინოები, წითლების შემთხვევაში კი ისეთი პროდუქტი, რომელსაც ტანინების ნაკლები დონე აქვს, მაგალითად, გევურცტრამინერი, რისლინგი, ვიონიერი ან მუსკატის ჯიში. ასევე, არომატის გამაძლიერებლი საფუარები შეიძლება იქნას გამოყენებული მეღვინეობის სხვადასხვა ტექნიკით. როგორც ნებისმიერი ღვინის შემთხვევაში, ხარისხიანი პროდუქტი ვენახიდან იწყება, მწიფე, ჯანსაღი და კარგი არომატის ყურძნით პრემიუმ ხარისხის ღვინო იწურება და შესაბამისად, მაღალი ხარისხის უალკოჰოლო ღვინის მიღებაც შესაძლებელია.
ადელაიდის უნივერსიტეტში მსოფლიოში პირველი საცდელი მასშტაბის კვლევითი დაწესებულებაა უაკოჰოლო და დაბალკოჰოლური (NOLO) ღვინისთვის. აქ კი პირსონი და მისი კოლეგები იკვლევენ ახალ ტექნიკებს, რაც მეღვინეებს საშუალებას მისცემს ახალი დაბალკოჰოლიური პროდუქტები “გამოსცადონ” და მასზე ექსპერიმენტები ჩაატარონ: “რაც უფრო მეტს ვსწავლობთ, მით უფრო უკეთეს ღვინოებს ვიღებთ შედეგად” - ამბობს მაკარტი. The Guardian-ზე გაეცნობით სტატიას და იმ ღვინოებსაც, რომლებსაც ავტორი გვირჩევს.
© ღვინის კლუბი/vinoge.com