გამოქვეყნებულია: 12 ოქტომბერი, 2008 - 16:14
ძალზე ჰარმონიული და დაბალანსებული ღვინოა. დაწურულია მუკუზნის ადგილწარმოშობის დასახელების ზონაში საგანგებოდ შერჩეული საუკეთესო ყურძნიდან, გამოირჩევა მუკუზნის მიკროზონაში მოწეული საფერავის ჯიშის ყურძნიდან დაყენებული ღვინისთვის დამახასიათებელი ჯიშური არომატით, ტანინების მაღალი შემცველობითა და დიდი პოტენციალით. ღვინოში ხაზგასმით ჩანს კვამლის, სველი მიწის, მაყვლისა და შავი მოცხარის ტონები, ასევე მინერალური ნოტები. ახასიათებს ხანგრძლივი ფინალი.
20 თვე მუხაში დაძველებული მუკუზანი კარგია უმზეურის, თაფლა სუკის მწვადთან, ბატკნის ბარკალთან, ტახის ხორცთან, ასევე კარგია სუბპროდუქტებთან, ჯიგრის ყაურმასთან, შემწვარ თირკმელთან, პაშტეტებთან.
მალხაზ ხარბედია
© „მარანი“
თემა:
ბეჭდვა
